Met3bFans.Com Forums
عايز تشارك بحبك لعماد متعب ... عايز تعرف أخباره وتشوف أهدافه ولقائاته ... يبقى سجل في
منتديات متعب فانز وخليك عضو من عشاق وجماهير المتعب ... !!

لو كنت عضو مسجل عندنا , سجل دخولك عشان تبدأ بوضع ردودك ومواضيعك ...

لو عندك أي مشكلة أو اقتراح أو استفسار ابعته في بريد الكتروني على
samer@met3bfans.com

http://www.met3bfans.com



 
الرئيسيةالرئيسية  البوابةالبوابة  س .و .جس .و .ج  الأعضاءالأعضاء  المجموعاتالمجموعات  بحـثبحـث  التسجيلالتسجيل  دخول  

شاطر | 
 

 يتربى فى عزو .... حماده عزو .....

اذهب الى الأسفل 
كاتب الموضوعرسالة
GOLDENGIRL
مراقب عام
مراقب عام
avatar

انثى
عدد الرسائل : 6276
العمر : 27
Localisation : الغربيه
اللاعب المفضل : عماد متعب وابو تريكه
تاريخ التسجيل : 15/09/2007

مُساهمةموضوع: يتربى فى عزو .... حماده عزو .....   السبت يوليو 05, 2008 3:58 am


مشهد في المسلسل

"حمادة" / "يحيى الفخراني"

نائم على سريره الوثير

في سعادة وراحة بال منقطعة النظير،

تقترب عقارب الساعة في المنبه المجاور

من الواحدة ظهرا،

فتدخل ماما "نونا" لتوقظ ابنها حبيبها الصغير الكبير..

"اصحي يا بيضا.. اصحي يا قطة.. اصحي يا طعمة"!

يتمطع "حمادة" في سريره

ثم يبتسم في فرحة من أحرز هدفا في

نهائي كأس العالم لوالدته التي تدلله،

تذهب ماما " نونا" لتحضر له "الحمّام" فيستكمل نومه من جديد!


***نونّة على الحجر ماما تهزه

الناس يتغاظوا ما يتغاظوا

على سنانهم جزوا ولا يهزه

***
مشهد تاني في نفس المسلسل

"نوال" بنت عمة "حمادة عزو"

قوية الشخصية،

تفرض على قريبها نظاما غذائيا صارما

يأكل فيه بمواعيد ويقاطع الحلويات

والسكاكر "السكريات يعني!"،

بسبب إصابته بأمراض كثيرة،

وفي ظل هذا الحصار لا يجد "حمادة"

أمامه ملجأ أو منفذا سواها طبعا.. ماما "نونا"..

بعد توسلات واستعطافات -

مش كتيرة قوي يعني-

تصطحبه ماما "نونا"

إلى المطبخ لتعد له بنفسها

طبق "سد الحنك"

الذي يحبه ويهواه كعشق

"قيس" لـ"ليلى"!،

"يلهط" "حمادة" أول ملعقة من الطبق

المليء بالسكر الذي هو

حصيلة إنتاج فدان كامل من "البنجر"

حتى تحدث المفاجأة.. تاتاتا..

وتظهر "نوال" القوية في المطبخ..

مش هنكمل المشهد..

أكيد إنت شفته ولو ماشفتهوش مش مشكلة

احنا عاوزين الشوية اللي فاتوا بس!


***
انجغة انجغة يا كلبوظة

يا صغنن يا ابن المحظوظة

مع نفسه دماغه مهوية

ولا حاجة في الدنيا تستفزه

يتربى في عزو

***
مشهد تالت بس مش في نفس المسلسل

"حمادة" أي "حمادة"

وقد بلغ من العمر عتيه

"يعني بتاع 18.. 20.. 28 سنة"،

قد أكل و"لغ" طبق "مهلبية"

ضخما وكبيرا وهو جالس أمام التليفزيون

بجوار والدته التي تقوم متجهة للمطبخ

فيمد لها "حمادة"

يده بطبقه الخاوي على عروشه،

تتناوله الأم في بساطة متجهة نحو المطبخ

لتغسله مع إخوته -

الطبق مش "حمادة"!-،

وهي تمر بجوار التليفزيون يقول لها المحروس،

"حمادة يعني":

لو سمحتِ يا ماما غيري المحطة

واقلبي على مودرن سبورت..

بصراحة مكسل أضغط على الريموت!

تضحك الأم وهي تنفذ ما طلب

ثم تسأله في اهتمام:

أجيب لك تاكل تاني؟

يهز "حمادة" رأسه يمينا ويسارا

بمعنى أن "لا" فتبادره بالقول:

طب مش هتيجي بقى عشان أحميك..

بقالي 3 شهور و12 يوم ماحطتش المية على جسمك!

يتمطع "حمادة" في جلسته

وهو يقول في دلع يليق به كـ"حمادة":

يوه يا ماما.. طب شهر كده ولا اتنين

أصل إنت بتستخدمي ليفة خشنة قوي..

شوية كده..

لما تنزلي الشارع ابقي اشتري ليفة ناعمة..

جسمي بيقشعر أصلي!


***
يا سلام ع الرجالة الجدعة

في مشاكله ماما تتصدر له

مش ناقص غير ياخد الرضعة

وينادي لماما تغير له

***
مشهد رابع وبرضه مش في نفس المسلسل

"حمادة" "أي "حمادة"

وقد بلغ من العمر عتيه

"يعني بتاع 18.. 20.. 28.. 45 سنة"

وقد أتى إلى والدته شاكيا باكيا:

ماما.. مش عارف أعمل إيه يا ماما..

فاكرة لما العيال الرخمة في المدرسة

كانوا بياخدوا مني الساندويتشات في الفسحة

وياكلوها هما ..

بيعملوا معايا كده في الشغل..

سخافات ومقالب عند المدير

ودايما يقولوا لي دلوقتى تعيط وتروح تشتكي لمامتك..

لو راجل اقف قصادنا..

بقى أنا.. إهئ إهئ..

باجي.. إهئ إهئ.. أعيط لك يا ماما..

إهئ إهئ.. أنا باعيط أنا!

الأم: ولا يهمك يا حبيبي..

من بكرة تقدم استقالتك

وأفتح لك محل فيديو جيمز

تقعد فيه طول النهار..

أهو منك تلعب ومنك تشتغل برضه..

ماشي يا روحي!


***
ننوس عين مامته

الحيلة بسلامته

اتمختر تاتا بألاطة

يا حمادة

هيقوموا حسادك ويفزوا

يتربى في عزو

***
ما بين المشاهد الأربعة

اللي فاتوا دول واضح جدا إن العامل المشترك هو..

"حمادة" و"مامته"..

"حمادة".. اللي عامل زي "الكائنات الطفيلية"

بياكل وبيشرب وبيلعب وبيتحرك

وبيتجوز وبيعيش بشكل أساسي

معتمدا على "مامته"..

اللي لو بعد عنها وعن تأثيرها..

ممكن يتفتت لألف حتة وحتة

وماحدش هيقدر يجمعه على بعضه.

والماما "نونا"..

اللي راضية وموافقة وسعيدة ومبسوطة

بكون إن ابنها مايقدرش يبعد عنها

ولو لحظة واحدة

وإلا ممكن تيجي له صدمة نفسية عصبية

ولن تقوم له قومة بعدها..

علاقة غريبة وممكن نقول.. شاذة..

مافيش حد طبعا يقدر يمنع أم من إنها تحب ابنها

أو تخاف أو تحافظ عليه..

ومافيش حد برضه يقدر يتحفظ

على أن يتعلق الابن بأمه أو بكل أفراد أسرته


لكن التحفظ بيكون موجود لما تصبح هذه العلاقة..

مرضية..

وبتكون نتائجها كارثية..

لأن شخصية "حمادة"

هنا بتكبر وهو مش بيعرف

يعمل أي حاجة في حياته لوحده..

ماعندهوش أي تحمل للمسئولية..

ولا أي قدرة على اتخاذ القرار..

باختصار الراجل هنا بيتحول لـ"حمادة" فعلا!

والموضوع مش بيقتصر على الشخصية وبس..

الموضوع بيكبر للمجتمعات..

فتلاقي فيه شعوب "حمادة"

ودول "حمادة" ومجتمعات "حمادة"!

ودول ماعندهمش أي قدرة على اتخاذ القرار وتحديد المصير..

مستنيين الفرج دايما مش بيسعوا إليه..

منتظرين إن ماما "نونا" -

سواء كانت حكومات أو مؤسسات محلية أو دولية-

هي اللي تقدم لهم الرضعة!


السؤال بقى:

يا ترى يا هل ترى

كنت في يوم من الأيام "حمادة عزو"؟

وكان نتيجة ده إيه؟

وعرفت تتخلص من الحالة دي ازاي؟

وتفتكر كمان إيه السبب

في وجود "حمادات عزوات" عندنا؟

_________________




حياتي وهو مش فيها..سنين عدت رضيت بيها

وفاكر لو قابلت عنيه ..عادي جدا هاعديها

واديك ياللي افتكرت نسيت..قابلته الليله واتهزيت!!

طب ازاي فيه حاجات بتموت..وتيجي الصدفه تحييها؟؟

وافتكرت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.met3bfans.com
Mazzika
مراقب عام
مراقب عام
avatar

انثى
عدد الرسائل : 7661
العمر : 32
Localisation : القاهرة
اللاعب المفضل : عماد متعب -ابوتريكه
تاريخ التسجيل : 27/05/2007

مُساهمةموضوع: رد: يتربى فى عزو .... حماده عزو .....   الأحد يوليو 06, 2008 9:49 am

اولا ميرسىىىىىىىىىىىىىىىىىىىى على التوبيك
بجد دمه خفيف جدااااااااااا
ثانيا انا عمرى ماكنت معتمدة على ماما بالشكل الغبى ده
بالعكس انا بحب الاستقلال وتحمل المسئولية

لكن فيه ناس كتيييير زى حماده كسالى ومش بيتحملوا اى نوع من المسئولية
حتى مسئولية نفسهم
وده يرجع لعدم الطموح واللامبالاة وانهم دايما لاقيين الحاجة اللى بيعوزوها
ومش بيتعبوا علشان يحققوا حاجة لنفسهم
والمثل بيقول "مافيش حلاوة من غير نار"
ده معناه ان الواحد لازم بتعب علشان يحقق اهدافه واحلامه

_________________
لالالا انا مش هنساك...لالالا انا ملك هواك.....
لالالا انا عشت معاك اجمل ايام حياتى
متوصنيش على حبى ليك...وحياة عينيك اطمن دا انا مطمن راجع ليك
ايه ايه لالا طب انسى ايه انا ولا ايه....هوه انت فيك يا حبيبي حاجة تتنسي
لالا معقول ماتعرفش انت ايه...انت اللى بتيجى فى العمر مرة ولا تتنسى

(( بنحبك يا عماد وهنستناك ))
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.met3bfans.com
GOLDENGIRL
مراقب عام
مراقب عام
avatar

انثى
عدد الرسائل : 6276
العمر : 27
Localisation : الغربيه
اللاعب المفضل : عماد متعب وابو تريكه
تاريخ التسجيل : 15/09/2007

مُساهمةموضوع: رد: يتربى فى عزو .... حماده عزو .....   الأحد يوليو 06, 2008 9:52 am

الله علي الكلام الجميل ده يا مها
رايك جميل اوي
وانا معاكي فعلا في كل كلمه قولتيها
انا كمان من صغري وانا مستقله وبعمل كل حاجه بنفسي او علي الاقل بحاول
ميرسىىىىىىىىىىىىىىىىىىىىىىىىىىىىىى يا قمر لمرورك
نورتي التوبيك Very Happy

_________________




حياتي وهو مش فيها..سنين عدت رضيت بيها

وفاكر لو قابلت عنيه ..عادي جدا هاعديها

واديك ياللي افتكرت نسيت..قابلته الليله واتهزيت!!

طب ازاي فيه حاجات بتموت..وتيجي الصدفه تحييها؟؟

وافتكرت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.met3bfans.com
 
يتربى فى عزو .... حماده عزو .....
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Met3bFans.Com Forums :: منوعات :: شباب وبنات-
انتقل الى: